„Menntaskólinn á Tröllaskaga brautskráir tólf nemendur á morgun, laugardag. Átta brautskrást af félags- og hugvísindabraut, tveir af náttúruvísindabraut, einn af listabraut og einn af starfsbraut. Áður hafa útskrifast fjórir nemendur frá skólanum þannig að eftir morgundaginn verða þeir sextán. Athöfnin fer fram í Ólafsfjarðarkirkju og hefst klukkan 11.00.” Þetta segir í tilkynningu sem var að berast.

Meira

„Knattspyrnufélag Fjallabyggðar og Knattspyrnuskóli Grétars Rafns Steinssonar eru komin í samstarf með fótboltaskólann sem verður haldinn í fimmta sinn nú í sumar í Siglufirði. Skráning er hafin á kf.skoli@gmail.com. Skólinn hefst mánudaginn 11. júní og lýkur föstudaginn 15. júní. Líkt og undanfarin ár verða þjálfarar frá knattspyrnuakademíunni hjá Bolton Wanderers.” Þetta segir í tilkynningu sem var að berast.

Meira

„Atvinnu- og ferðamálanefnd Fjallabyggðar hyggst markaðssetja Siglufjarðarhöfn, með tilliti til komu skemmtiferðaskipa.
 Fundað hefur verið með Ágústi Ágústssyni markaðsstjóra Faxaflóahafna og Cruise Iceland vegna málsins.” Þetta má lesa á vefnum Héðinsfjörður.is.

Meira

Lokun á Aðalgötu á Siglufirði fyrir umferð vélknúinna ökutækja verður til reynslu nú í sumar. Rætt hefur verið við alla verslunar- og veitingamenn við götuna um lokunina. Aðalgata verður lokuð frá Túngötu að Grundargötu en akstursleið verður eftir Lækjargötu. Lokunin verður frá 15. júní til 15. ágúst. Allir þjónustuaðilar við götuna taka erindinu fagnandi. Þetta kemur fram á vefnum Héðinsfjörður.is.

Meira

„Bæjarráð Fjallabyggðar hefur lagt áherslu á að starfræktar verði tvær upplýsingamiðstöðvar í Fjallabyggð í sumar með sama hætti og á árinu 2011.” Þetta má lesa á vefnum Héðinsfjörður.is.

Meira

Bæjarráð Siglufjarðar hefur ákveðið að loka því tjaldsvæði á Siglufirði sem er vestan Snorrabrautar en önnur svæði verða áfram í notkun. Fjöldi undirskrifta barst bæjarstjóra Fjallabyggðar í fyrra þar sem fólk mótmælti þessari staðsetningu á tjaldsvæðinu og óheppilegt þykir að húsbílar og tjaldhýsi séu á tjaldsvæðinu í miðbæ Siglufjarðar. Þetta má lesa á vefnum Héðinsfjörður.is.

Meira

„Vélsleðafélag Ólafsfjarðar hefur óskað eftir að fá úthlutað svæði undir mótorkrossbraut vestan Óss í Ólafsfirði í samræmi við gildandi aðal- og deiliskipulag. Bæjarráð Fjallabyggðar hefur samþykkt tillöguna og falið íþrótta- og tómstundafulltrúa Fjallabyggðar að útbúa samning í samræmi við reglur bæjarfélagsins sem tekur m.a. á þeim málum sem fagnefnd leggur áherslu á við yfirferð og skoðun á málinu.” Þetta kemur fram á vefnum Héðinsfjörður.is.

Meira

Þá er komið að fyrsta heimaleik KF í 2. deild árið 2012. Hann verður á Siglufjarðarvelli á laugardaginn kemur, 19. maí, gegn Aftureldingu, og hefst kl. 14.00.

Meira

Aðalfundur Skíðafélags Siglufjarðar Skíðaborgar verður haldinn fimmtudaginn 24. maí næstkomandi í húsnæði Einingar Iðju og hefst hann kl. 20.00.

Meira

Siglfirðingi.is var að berast mjög svo áhugavert bréf frá þremur nemendum í Menntaskólanum á Akureyri, sem eru „að vinna að verkefni til að breyta samfélaginu til hins betra”, eins og orðrétt segir þar.

Meira